МАЗҲАБЛАР ДОИРАСИДА УСУЛУЛ ФИҚҲНИ ЎРГАНИШДАГИ ЁНДАШУВЛАР

Abstrakti

Ушбу мақолада усулул фиқҳ илми, унинг таърифи ҳамда бу фанни вужудга келиш ва шаклланиш тарихи ҳамда босқичлари ҳақида сўз боради. Шунингдек, мақола ислом шариъатида мавжуд бўлган тўрт мазҳаб яъни, Ҳанафий, Шофеъий, Моликий ва Ҳанбалийларнинг усулул фиқҳ фанини ўрганишда қандай йўл тутгани, уларнинг ўзаро фарқли жиҳатлари ва ҳар бир мазҳабнинг машҳур асарларни ҳам баён қилади. Аҳамиятлиси, бу фанга оид асарлар, уларни ёзилишидаги тарихий тадрижлар, ёндошувлар ва уларнинг ўзига ҳос ҳамда фарқли жиҳатларини очиб беришга ҳам катта эътибор қаратилган. Маълумотлар барча йўналишларга оид китоблар номи, уларнинг муаллифлари яшаган даврларни қайд қилиш билан бойитилган. Қўшимча қилиш мумкинки, ушбу илмий ишда, фиқҳ фанига ёндош бўлган усулул фиқҳ фанини ўрганишда эътибор қаратиш керак бўлган жиҳатлар, асосий қўлланма ва манбалар ҳам зикр қилинган.